हेम बिजी, चिदम्बरम (भारत) ।
मूल प्रवाह अखिल भारत नेपाली एकता समाज चिदम्बरम नगर समिति अन्तर्गत सेतियातोप एरिया समितिको १९औँ वार्षिक एरिया सम्मेलन भव्य एवं सानदार रुपमा सम्पन्न भएको छ ।
सम्मेलनको उदघाटन गर्दै मूल प्रवाहका केन्द्रीय सदस्य बाला कृष्णा गायकले सामाजिक संगठनको रुपमा स्थापना भएको मूल प्रवाह देशको अग्रगामी परिवर्तनको राजनैतिक आन्दोलनमा समेत सहभागी हुँदै आएको बताउनुभयो।
नेता गायकले मूल प्रवाहको ऐतिहासिक, संघर्षशील र तुफानी गतिलाई रोक्न केही फुटपरस्तहरुले सपना देखे पनि त्यो सपनामै सिमित हुने ठोकुवा गर्नु भयो ।
सो सम्मेलनलाई सफलताको शुभकामना दिनेहरुमा मूल प्रवाहका केन्द्रीय परिषद सदस्य हेम बिजी, क्षेत्रीय सदस्य गोकुल बहादुर गायक, गोविन्द बहादुर हमाल र विनोद जिसी हुनुहुन्थ्यो ।
सम्मेलनले सूर्यमान गिरीको अध्यक्षतामा ९ सदस्सीय नयाँ समिति चयन गरेको छ । जसमा उपाध्यक्ष प्रेम प्रसाद पराजुली, सचिव संगिता गन्धर्व, सहसचिव हेम बहादुर गन्धर्व, कोषाध्यक्ष गोकुल गायक, सदस्यहरुमा होम बहादुर जिसी, गोविन्द बहादुर हमाल, वैकल्पिक सदस्यहरुमा प्रेम बहादुर गायक र अर्जुन गायक हुनुहुन्छ ।
नव निर्वाचित समितिलाई केन्द्रीय सदस्य बाला कृष्णा गायकले बधाई एवं कार्यकाल सफलताको शुभकामना दिनु भएको थियो ।
सूर्यमान गिरीको अध्यक्षतामा सम्पन्न सम्मेलनमा प्रेम प्रसाद पराजुलीले स्वागत गर्नु भएको थियो भने कार्यक्रम संगिता गन्धर्वले सञ्चालन गर्नु भएको थियो ।
