उत्तर प्रदेश (भारत) । भारतको प्रयागराज शाहगंज थाना क्षेत्र स्थित गढ़ी सरायमा एक नेपाली पुरुषको शव तीन दिनदेखि अलपत्र परेको छ । स्थानीय काल्विन अस्पतालमा १५ नोभेम्बर (शुक्रबार) का दिन ७० वर्षीय ति वृद्धको मृत्यु भएको हो ।

प्रहरीका अनुसार मृतक सिन्धुली दुधौली ४ निवासी गंगा प्रसाद गौतम रहेको खुलेको छ । उनको जन्मस्थान ओखलढुंगा, साविक टेक्सेल गाविस २मा रहेको बताइएको छ ।

हालसम्म आफन्तजनको उपस्थिति नभएकाले दाहसंस्कार गर्न समस्या परेको इल्लाहवादबाट मूल प्रवाह अखिल भारत नेपाली एकता समाजका सदस्य लक्ष्मीप्रसाद ज्ञावलीले जानकारी दिनुभएको छ । उनलाई चिन्ने जान्नेहरुले आफन्तलाई खबर गरिदिन पनि मूलप्रवाहले आग्रह गरेको छ ।