गोपाल प्रसाद भट्टराई, अर्घाखाँची ।
अखिल नेपाल राष्ट्रिय स्वतन्त्र विद्यार्थी युनियन (छैठौं) अर्घाखाँचीले पुष्सको पहिलो हप्ता २५ औं जिल्ला सम्मेलन गर्ने भएको छ । संगठनको शनिबारसन्धिखर्कमा सम्पन्न बैठकले पुस ४ र ५ गते सन्धिखर्कमा २५ औं जिल्ला सम्मेलन गर्ने निर्णय गरेको हो ।
सम्मेलनको मूल नारा ‘शैक्षिक ब्यापारीकरण र संघीयता बिरुद्ध हाम्रो आन्दोलन, जनवादी शिक्षा र राष्ट्रियता रक्षाका लागि २५ औं जिल्ला सम्मेलन !’ तय गरेको अखिल (छैठौं) अर्घाखाँचीले जनाएको छ ।
बैठकले सम्मेलन सफल पार्न सन्देश खनालको संयोजकत्वमा ७ सदस्यीय मुल आयोजक समिति, पुरन नेपालीको संयोजकत्वमा ३ सदस्यीय आर्थिक ब्यबस्थापन समिति र आकाश भाटको संयोजकत्वमा १ सय १ सदस्यीय प्रचार–प्रसार समिति गठन गरेको छ ।
जिल्ला अध्यक्ष सन्देश खनालको अध्यक्षता, हिम्मत खनालको स्वागत मन्तव्य र आकाश भाटको सञ्चालनमा सम्पन्न बैठकले आसन्न पौषको पहिलो हप्ता हुने जिल्ला सम्मेलन र फागुन २७ देखी चैत्र १ गते सम्म अखिल (छैठौं) केन्द्रीय समितिको आयोजनामा काठमाडौंमा हुने संघीयता बिरुद्ध बृहत विद्यार्थी मार्च कार्यक्रमलाई भव्य रुपमा सफल पार्न मंसिर महिनाभर जिल्लाका ६ वटै पालिकामा सांगठनिक गतिबिधिलाई तिब्र पार्ने, सांगठनिक अभियानको शिलशिलामा सामाजिक बिकृति, भ्रष्ट्रचार, लैङ्गिक हिंसा, बलत्कार, लागुऔषध दुर्व्यसनीका बिरुद्ध सचेतना मुलक प्रशिक्षण सञ्चालन गर्ने लगायतका निर्णय गरेको अखिल छैठौं जिल्ला सचिवालय सदस्य हिम्मत खनालले जानकारी दिनुभएको छ ।
बैठकमा संगठनका केन्द्रीय सचिव गोपाल प्रसाद भट्टराई र राष्ट्रिय जनमोर्चाका जिल्ला अध्यक्ष थम्मन केसीको बिशेष उपस्थिति थियो ।
