काठमाडौँ । पछिल्लो २४ घण्टामा नेपालमा दुई हजार ७५ कोरोना सङ्क्रमित थपिएका छन् भने ३० जनाको मृत्यु भएको छ ।
देशभर गरिएको सात हजार ७०३ पिसिआर र पाँच हजार ३७२ जनाको एन्टिजेन परीक्षणका क्रममा दुई हजार ७५ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यो सँगै कुल सङ्क्रमितको सङ्ख्या सात लाख ४५ हजार ७३१ पुगेको छ । कुल सङ्क्रमितमध्ये ३९ हजार ३२१ सक्रिय सङ्क्रमित छन् ।
गत २४ घण्टामा दुई हजार ३८२ जना सङ्क्रमित निको भएका छन् । योसँगै देशभर निको हुनेको सङ्ख्या छ लाख ९५ हजार ९२५ पुगेको छ ।
शनिवार ३० जना सङ्क्रमितको मृत्यु भएको मन्त्रालयले जनाएको छ । यससँगै हालसम्म कोरोना सङ्क्रमणबाट मृत्यु हुनेको सङ्ख्या १० हजार ४८५ पुगेको छ ।
मन्त्रालयका अनुसार हाल ३६ हजार १५ जना होम आइसोलेसन र तीन हजार ३०६ जना संस्थागत आइसोलेसनमा छन् । ४२३ जना क्वारेन्टाइन, ७१८ जना आइसियु र १६६ जना भेन्टिलेटरमा रहेको मन्त्रालयले जनाएको छ ।
