कैलाली । अखिल नेपाल युवक संघ सुदूरपश्चिम प्रदेश समितिको संयोजकमा धनिराम आचार्य चयन हुनुभएको छ । सोमबार धनगढीमा सम्पन्न भेलाले आचार्यको संयोजकत्वमा नयाँ समिति चयन गरेको हो ।
समितिको सहसंयोजकमा अमिर कुवँर चयन हुनुभएको छ भने सचिवमा कृष्ण विकलाई चयन गरिएको छ । यस्तै, कोषाध्यक्षमा दशरथ सुवेदी रहनुभएको छ । सदस्यहरुमा रामचन्द्र भट्ट, रामकृष्ण रेग्मी, लोक बहादुर छत्याल, नेत्र साउद रहनुभएको छ । एक स्थान रिक्त राखिएको छ ।
प्रमुख अतिथी अखिल नेपाल युवक संघका केन्द्रीय सचिव प्रशान्त थापाले उद्घाटन गर्नुभयो । ‘स्थानीय तहको अधिकार र बजेट वृद्धि गर, संघीयता खारेज गर, राष्ट्रघाती नागरिकता ऐन खारेज गर’ भन्ने मूल नाराका साथ चौथो प्रदेश भेला सम्पन्न भएको हो ।
कार्यक्रममा राष्ट्रिय जनमोर्चाका केन्द्रीय सदस्य नन्दराज भट्ट, राजमो कैलालीका पूर्व अध्यक्ष लक्षीराम आचार्य, डोटीका सचिव केशवनाथ योगी लगायत नेताहरुले कार्यक्रम सफल्ताको सुभकामना दिनुभएको थियो ।
