काठमाडौं । राष्ट्रिय जनमोर्चाले काठमाडौंमा देउसी भैलो सञ्चालन गरेको छ । शनिबार बसुन्धरामा अध्यक्ष चित्रबहादुर केसीले सांस्कृतिक समारोहबीच भैलो कार्यक्रमको उद्घाटन गर्नुभयो ।
समारोहमा अध्यक्ष केसीले राष्ट्रिय जनमोर्चा प्रत्येक वर्ष जनताको घर दैलोमा देउसी भैलो खेल्न आउने गरेको स्मरण गर्दै प्रगतिशील सांस्कृतिक कार्यक्रममार्फत राजनीतिक चेतना फैलाउन मद्दत मिल्ने बताउनुभयो । देशको परिस्थितिबारे संक्षिप्त चर्चा गर्दै अध्यक्ष केसीले देशमा रोजगारी नपाउँदा लाखौँ युवा विदेशीनुपर्ने बाध्यता रहेको चर्चा गर्नुभयो ।
देशमा लोकतान्त्रिक गणतन्त्र आएपनि अझै जनताको जीवनस्तरमा परिवर्तन आउन नसकेको उल्लेख गर्दै त्यसका लागि प्राप्त उपलब्धि जोगाउँदै थप उपलब्धिका लागि जनताले निरन्तर संघर्ष गरिरहनुपर्नेमा जोड दिनुभयो ।
भिडियो हेर्न यहाँ क्लिक गर्नुहोस्
भैलो कार्यक्रममा रक्तिम सांस्कृतिक अभियानका कलाकारहरु विष्णु केसी, बिष्णु शर्मा, मधु क्षेत्री, माया पुन, एलिना शाही, समीक्षा श्रेष्ठ, राम राना, मिन राना, सीमा थापा, अंकिता चुँनाली, युजिन श्रेष्ठलगायतका कलाकारहरुको भब्य प्रस्तुती रहेको छ ।
भिडियो हेर्न यहाँ क्लिक गर्नुहोस्
कार्यक्रममा राजमोका महासचिव जनकराज शर्मा, नेकपा(मसाल) का प्रवक्ता रामप्रकाश पुरी, राजमो नेता आनन्द शर्मा, सचिव हिमलाल पुरी, पूर्व सचिव कृष्ण अधिकारी, अखिल नेपाल जनजाती सम्मेलनका अध्यक्ष निमबहादुर बुढाथोकी, युवक संघका अध्यक्ष अनिलकिशोर घिमिरे, अधिवक्ता घनश्याम न्यौपानेलगायत नेताहरु सहभागि हुनुहुन्छ ।
फोटो:
