पाल्पा । राष्ट्रिय जनमोर्चा तिनाउ गाउँपालिकाको दोस्रो भेला आज तिनाउको झुम्सामा सम्पन्न भएको छ । भेलाको प्रमुख अतिथी राष्ट्रिय जनमोर्चाका जिल्ला अध्यक्ष विशाल दर्लामीले मैन बक्ति बालेर उद्घाटन गर्नुभएको थियो ।

त्यस्तै,नेकपा (मसाल)का जिल्ला प्रवक्ता जंग बहादुर क्षेत्री,अखिल नेपाल महिला संघकी जिल्ला अध्यक्ष उमा सिंजाली,अखिल नेपाल युवक संघका जिल्ला सदस्य टिकाराम चौहान लगायतका नेताहरुले भेला सफलताको शुभकाना दिनु भएको थियो ।

सोही भेलाले दुर्गा बहादुर थापाको अध्यक्षतामा ७ पुर्ण २ बैकल्पिक र चार सल्लाहकार गरी १३ सदसीय नयाँ समिती चयन गरेको छ । समितीको उपाध्यक्षमा विष्णु बहादुर राना,सचिव टिकाराम चौहान,कोषाध्यक्ष कृष्ण थापा रहनुभएको छ । पूर्ण सदस्यहरुमा बेल बहादुर थापा,शेर बहादुर साफ,गणेश राना र बैकल्पिक सदस्यमा बिष्णु थापा क्षेत्री,शुशिल कार्की रहनुभएको छ । सल्लाहकारमा कमल थापा,जगं बहादुर क्षेत्री,गम बहादुर साफ,राम बहादुर राना चयन हुनुभएको छ ।

कमल थापाको अध्यक्षता,दुर्गा बहादुर थापाको सञ्चालन र टिकाराम चौहानको स्वागत मन्तब्यमा कार्यक्रम सम्पन्न भएको थियो ।