काठमाडौं । राष्ट्रपति विद्यादेवी भण्डारी चिनियाँ राष्ट्रपति सी चिनफिङबीच द्विपक्षीय भेटवार्ता भएको छ । शनिबार राष्ट्रपति भवन शीतल निवासमा भएको भेटवार्तामा नेपाल–चीन सम्बन्धका विविध पक्षमा विचारविमर्श भएको छ । भेटवार्तामा दुबै देशका उच्चपदस्थ प्रतिनिधिहरुको सहभागिता रह्यो ।
यस्तै, चीनका राष्ट्रपति सी चिनफिङको सम्मानमा राष्ट्रपति विद्यादेवी भण्डारीले रात्रीभोजको आयोजना गरेकी छन् । सोल्टी होटलमा आयोजित रात्रिभोजमा विभिन्न राजनीतिक दलका शीर्ष नेताहरुसहित विशिष्ट ब्यक्तिहरुको उपस्थिति थियो ।
राष्ट्रपति भण्डारीको मैत्रीपूर्ण निमन्त्रणामा राष्ट्रपति सी शिनबार अपराह्न नेपालको दुईदिवसीय राजकीय भ्रमणमा यहाँ आइपुगेका हुन् ।
राष्ट्रपति सीसँग शनिबार साँझ पूर्व प्रधानमन्त्री तथा कांग्रेस सभापति शेरबहादुर देउवाले भेटवार्ता गरेका छन् । भोलि प्रधानमन्त्री केपी ओली र नेकपाका अध्यक्ष पुष्पकमल दाहालले भेतवार्ता गर्नेछन् । उनी भोलि नै स्वदेश फिर्ता हुने कार्यक्रम छ ।
