काठमाडौं । गैर आवासीय नेपाली संघ (एनआरएनए) को नवौँ विश्व सम्मेलन यही असोज २८, २९ र ३० गते काठमाडौंमा हुँदैछ । सो सम्मेलनकालागि प्रतिनिधिहरु काठमाडौं आउने क्रम सुरु भएको एनआरएनएले जनाएको छ ।
एनआरएनएको सो सम्मेलन ५५ देशकाकरिव २२ सय प्रतिनिधिहरु सम्मेलनमा सहभागी हुने एनआरएनएको अनुमान छ । असोज २८ गते मंगलबार राजधानीको पाँचतारे होटल हायात रिजेन्सीमा प्रधानमन्त्री ओलीले सो सम्मेलनको उद्घाटन गर्नेछन् ।
त्यसपछि दोस्रो दिन २९ गते एनआरएनएको नयाँ नेतृत्व चयनकालागि निर्वाचन हुनेछ । ३० गते सो सम्मेलन समापनगर्ने कार्यक्रम तय गरिएको पनि एनआरएनले जनाएको छ ।
सम्मेलनमा नयाँ नेतृत्वकालागि कुमार पन्त र कूल आचार्यले अध्यक्ष पदकालागि उम्मेदवारी घोषणा गरिसकेका छन् ।हरेकवर्ष असोज २४ गतेलाई एनआरएनएले आफ्नो स्थापना दिवसको रुपमा मामनाउँदै आएको छ । यसै अवसर पारेर सो सम्मेलन आयोजना गरिएको हो ।
