महेन्द्र बस्याल, बेंगलोर । मूलप्रवाह अखिल भारत नेपाली एकता समाजको विद्यार्थी विभाग अखिल भारत नेपाली विद्यार्थी संघ दक्षिण भारत क्षेत्रीय समितिको तत्वावदनमा बेंगलोरमा एक दिवसीय खेलकूद कार्यक्रम सम्पन्न भएको छ ।
आइतबार भएको क्रिकेट प्रतियोगितामा ४ टिमले भाग लिएका थिए । कडा प्रतिस्पर्धात्मक खेलमा चेन्नै उत्तर प्रथम र बेंगलोर उत्तर द्धितीय भएका थिए।
भलिवलतर्फ तीन टिमले भाग लिएका थिए । जसमा प्रथम, बेंगलोर दक्षिण ‘ए’ र द्धितीय बेंगलोर दक्षिण ‘बी’ भएका थिए।
त्यस्तै, महिलाहरूको थ्रोवलमा प्रथम बेंगलोर दक्षिण ‘ए’ र द्धितीय बेंगलोर दक्षिण ‘बी’ भएका थिए। महिला म्यूज़िकल चियर्समा प्रथम सर्मीला बिक, चेन्नै उत्तर, द्धितीय भारती परियार बेंगलोर उत्तर, तृतीय मिना बिक बेंगलोर दक्षिण, महिला १०० मिटर दौड़मा सबिता हमाल प्रथम, द्धितीय वर्षा देवकोटा, तृतीय ज्योति पहरी भएका थिए।
यस्तै, पुरूष १०० मिटर दौड़मा प्रथम युवराज शाही, द्धितीय बिक्रम बिक र तृतीय करन ओली भए । यसैगरी, बाल १०० मिटर दौड़मा प्रथम कमला देवकोटा र द्धितीय राजु ओली भएका थिए।
क्रिकेटमा म्यान फ द म्याच खुम बहादुर क्षेत्री, अनुशासन मा शिब के सी, भलिवलतर्फ अनुशासनमा गोपाल बिकले पुरस्कार प्राप्त गरे भने खेल ब्यबस्थापनमा खटिएका अम्पायरहरू राजेश नेपाली, सुरेश बिक, गोविन्द पौडेल, प्रकाश दयाल, राज सिंह, नरेश र दिपक रहेका थिए। बिजयी टिमहरूलाई मूलप्रवाह अखिल भारत नेपाली एकता समाज केन्द्रीय सदस्य तथा क्षेत्रीय अध्यक्ष महेन्द्र बस्यालले पुरस्कार बितरण गर्नु भएको थियो ।
कमला कुमारीको सञ्चालन, बिक्रम केसीको अध्यक्षता तथा कुमारी थापाको स्वागतबाट कार्यक्रम अघि बढेको थियो । कार्यक्रममा रक्तिम सांस्कृतिक अभियानका कलाकारहरुले लेफ़्ट राइट कदम बढाउ गीत गाएर मार्च पास गरेका थिए । क्षेत्रीय खेलकूद कार्यक्रको उद्घाटन मूलप्रवाहका केन्द्रीय सदस्य तथा क्षेत्रीय अध्यक्ष बस्यालले ब्याटले क्रिकेट हानेर गर्नु भएको थियो ।
उक्त कार्यक्रममा शुभकामना दिनेहरूमा क्षेत्रीय प्रतिनिधि धर्मराम बि क, बिबि थापा, मूलप्रवाह केस मदन भण्डारी, विद्यार्थी केस प्रकाश दयाल, नर बहादुर बिक, प्रतिभा बिक, क्षेस राम सिंह बिक, दशरश बिक, देव बहादुर केसी, केन्द्रीय पार्षद कृष्ण परियार, महिला विभाग भारती परियार, मूल प्रवाह नगर अध्यक्ष कृष्ण बिक, पार्वती बिक लगायत हुनुहुन्थ्यो ।
