काठमाडौं । तत्कालिन सभामुख कृष्णबहादुर महराबाट बलात्कृत भएको भनिएकी संसद सचिवालयकी कर्मचारी रोशनी शाही र उनका पतीबीच सम्बन्ध विच्छेद भएको छ । रोशनीका पति चित्रजंग शाहीले पत्नीसँग सम्बन्ध विच्छेद भएको सामाजिक सञ्जालमार्फत सार्वजनिक गरेका छन् ।
दुवैले सम्बन्ध विच्छेदको पत्रमा हस्ताक्षर गरेको जानकारी दिँदै उनले फेसबुकमा पोष्ट गरेका छन्ः ‘प्रियजनहरु थुप्रै उतार चढावबीच हाम्रा २८ वर्ष साथसाथ बिते। समयको गतिसँगै असहमति असन्तुष्टि आउँदा रहेछन्। तथापि खुशीसाथ अलग बस्ने निर्णय गरेका छौं’, नेपाली कागजतमा लेखिएको पत्रमा भनिएको छ।
महराले आफूलाई बलात्कारको प्रयास गरेको भनेर प्रहरी र मिडियालाई जानकारी दिने रोशनीले २४ घण्टा नबित्दै बयान फेरेकी थिइन् । उनले बयान फेर्नुमा पतिको मुख्य भूमिका रहेको सार्वजनिक भएको थियो।
रोशनीमाथि यौन दुर्व्यवहार भएको सार्वजनिक हुँदा पती चित्रजंग उपत्यका बाहिर थिए । उनले महराबाट यस्तो आफूले कल्पनै गर्न नसक्ने बताएका थिए । उनी महरा निकटका ब्यक्ति हुन् ।
