सुवास जिसी, सुर्खेत । अखिल नेपाल राष्ट्रिय स्वतन्त्र विद्यार्थी युनियन (छैठौं) को राष्ट्रिय परिषद बैठक कर्णाली प्रदेशको राजधानी विरेन्द्रनगर सुर्खेतमा सम्पन्न भएको छ ।
आइतबारदेखि जारी बैठक संघीयता खारेजीको आन्दोलनलाई थप उचाइमा पुर्याउन ५ दिने काठमाडौं केन्द्रित कार्यक्रम गर्ने निर्णय गर्दै सोमबार साँझ सम्पन्न भएको हो। आन्दोलनको मिति आगामी माघमा बस्ने केन्द्रीय समितिको बैठकले तय गर्ने अखिल (छैठौँ) ले जनाएको छ । फागुनको अन्त्य वा चैतको पहिलो सातामा कोठमाडौं केन्द्रित आन्दोलन गर्ने छैठौंको तयारी छ ।
सो आन्दोलनलाई साफल पार्न विभिन्न जिल्ला तथा प्रदेशका विस्तारित वैठक तथा भेलाका कार्यक्रम समेत राष्ट्रिय परिषद बैठकले निर्धारण गरेको छ । संघीयताको खारेजीको लागि देशभरबाट विद्यार्थीहरु काठमाडौंमा केन्द्रित गर्ने छैठौंँको तयारी छ ।
२ दिनसम्म चलेको बैठकको बन्द सत्र कार्यक्रमले अध्यक्ष विमल पोख्रेलद्वारा प्रस्तुत राजनैतिक प्रतिवेदन र आगामी कार्यक्रम उपाध्यक्ष गणेश अधिकारीद्वारा प्रस्तुत विशेष प्रस्ताव पास गरेको छ भने कोषाध्यक्ष निश्चल क्षेत्रीले आर्थिक विवरण पेस गर्नुभएको थियो ।
केन्द्रीय सचिव सुवाश जिसी, सदस्य प्रतिभा आचार्य र अतिथी भिमलाल पोख्रेल गरि ३ जना सम्मिलित अध्यक्ष मण्डलले बन्द सत्रको सञ्चालन गरेको थियो । प्रस्तुत प्रतिवेदनबारे हलमा व्यापक छलफल भएको थियो ।
परिषद बैठकमा उच्च राजनीतिक नेतृत्वबाट प्रशिक्षणसमेत दिइएको थियो । वर्तमान राजनीति, पार्टी र अनुशासन, विश्व दृष्टिकोणको बारेमा नेकपा मसालका महामन्त्री मोहनविक्रम सिंह, राष्ट्रिय जनमोर्चाका महासचिव जनकराज शर्मा र केन्द्रीय सदस्य मनोज भट्टले परिषद सदस्यलाई प्रशिक्षण दिनुभएको थियो ।
परिषद बैठकले संगठनको आन्तरिक योजनाहरु निर्माण गर्नुको साथै रिक्त रहेको केन्द्रीय सदस्यहरुको पद समेत पुर्ती गरेको छ ।
रिक्त पुर्ण केन्द्रीय सदस्यमा वसन्त आचार्य (दाङ), डवल तिरुवा (डोटी) र खगेन्द्रा विस्ट (रोल्पा) लाई चयन गरेको छ । त्यसैगरी वैकल्पिक सदस्यमा विवेक जिसी (काठमाडौ), सन्देश खनाल (अर्घाखाँची), विष्णु अधिकारी (वर्दिया) र एकेन्द्र कंडेल (कैलाली)लाई चयन गरेको छ ।
