इलामबजार । चिकित्सा शिक्षा र स्वास्थ्य क्षेत्रको सुधारको माग राख्दै पच्चिसौँपटक इलाममा सत्याग्रहमा बसेका प्राडा गोविन्द केसीको स्वास्थ्य अवस्था बिग्रिएको छ ।
२०८३ कात्तिक १२ गते बिहीबारदेखि अनशनमा बसेका केसीलाई इलाम अस्पताल भर्ना गरिएको हो ।
इलाम अस्पतालका मेडिकल सुपरिटेन्डेन्ट डा. अमिताभ ठाकुरको नेतृत्वमा गएको टोलीले उनलाई अस्पताल पुर्याएको थियो ।
डा. केसीले सरकार माग सम्बोधनप्रति उदासिन रहेको भन्दै गत इलामस्थित नारायण मन्दिरमा सत्याग्रह सुरु गरेका थिए ।
सरकारले चिकित्सा शिक्षा तथा स्वास्थ्य क्षेत्र सुधारका विषयमा चासो नदेखाएपछि अनशन बस्न बाध्य भएको उनको भनाइ छ ।
सत्याग्रहका क्रममा डा. केसीले चिकित्सा शिक्षालाई व्यापारिक स्वार्थको माध्यम बनाउन नहुनेमा जोड दिएका छन् ।
चिकित्सा शिक्षा नागरिकको स्वास्थ्य र जीवनसँग प्रत्यक्ष जोडिएको सेवामूलक क्षेत्र भएकाले यसको गुणस्तर, निष्पक्ष नियमन र सार्वजनिक स्वास्थ्य संस्थाको प्रभावकारी सञ्चालनमा कुनै सम्झौता गर्न नसकिने उनले बताएका छन् ।
यता सरकारले भने कार्यदल बनाएर डा केसीको माग कार्यान्वयन गरिरहेको दाबी गरेको छ ।
