काठमाडौँ । मलेसिया नेपाली एकता समाजको आठौँ राष्ट्रिय भेला अध्यक्षमा प्रेम शर्मा (बागलुङ) र महासचिवमा ईश्वर थापामगर (प्युठान) लाई चयन गर्दै सम्पन्न भएको छ ।
राष्ट्रिय जनमोर्चाका केन्द्रीय सल्लाहकार आनन्द शर्माको प्रमुख आतिथ्यमा २०८३ भदौ ३१ गते भर्चुअल माध्यमबाट सो भेला सम्पन्न भएको हो ।
समितिको उपाध्यक्षमा श्यामबहादुर बोटे (सुर्खेत), कोषाध्यक्षमा कमल बिसी (कपिलवस्तु) र सचिवमा पिलाल पुनमगर (प्युठान रहनुभएको छ भने समितिका सदस्यमा कृष्ण विक (सुर्खेत), लोकबहादुर ठाडामगर (सुर्खेत) र गङ्गा राना (सुर्खेत) रहनुभएको छ ।
नौ पूर्ण सदस्य रहनुभएको केन्द्रीय समितिको सदस्यमा एक स्थान रिक्त राखिएको छ भने सल्लाहकारमा भक्तबहादुर विक (प्युठान) रहनुभएको छ ।
भेलामा प्रमुख अतिथिको आसनबाट राजमो नेता शर्माले मन्तव्य राख्नुभएको थियो भने अन्तर्राष्ट्रिय नेपाली एकता समाजका अध्यक्ष शक्तमान बुढाथोकी र समाजकै कार्यालय सचिव प्रकाश थापामगरले शुभकामना मन्तव्य राख्नुभएको थियो ।
निवर्तमान अध्यक्ष केशव खनालको अध्यक्षता तथा पछि अध्यक्षमा निर्वाचित प्रेम शर्माको सञ्चालनमा अघि बढेको उक्त भेलामा नवनिर्वाचित समितिका अध्यक्ष शर्माले प्रतिबद्धता मन्तव्य र निवर्तमान अध्यक्ष खनालले नवनिर्वाचित समितिलाई बधाई तथा सफल कार्यकालको शुभकामना मन्तव्य राख्नुभएको थियो ।
