खिमराज चालिसे, चन्डिगढ ।
भारतको पन्जाब राजपुरामा मूल प्रवाह अखिल भारत नेपाली एकता समाजको तिजी कार्यक्रमसँगै कार्यकर्ता सम्मान कार्यक्रम सम्पन्न भएको छ ।
पटियाला नगर समितिद्वारा सञ्चालित राजपुरा एरिया समितिले सेप्टेम्बर १४, २०२६ का दिन सो कार्यक्रम सम्पन्न गरेको हो ।
मूल प्रवाह केन्द्रीय सदस्य तिलक पौडेलले रिबन काटी उदघाटन गर्नुभएको सो समारोहमा मैनबत्ती बालेर रसुवाबाढीमा ज्यान गुमाउनेप्रति दुई मिनेट मौनधारण गरी श्रद्धा व्यक्त गरिएको थियो ।
समारोहमा क्षेत्रीय सदस्य एवम् नगर समितिका अध्यक्ष विष्ण्ॉ भुसाल, नगर समितिका रामराज वन, जीवलाल वन, राधिका वन र सपना थापालगायतको आतिथ्य रहेको थियो ।
समारोहमा रमेश शाही, भुपाल सिंह, चुरामणि वनलगायत अतिथिले रसुवाबाढीका मृतकप्रति श्रद्धाञ्जली तथा घाइतेको स्वास्थ्यलाभको कामना गर्दै शोकमन्तव्य व्यक्त गर्नुभएको थियो ।
कार्यक्रममा राहत सहयोग सङ्कलनमा अहोरात्र खटिनुहुने राजपुरा एरिया समितिका पदाधिकारी तथा सदस्यहरू राजु वन, रमेश शाही, भूपाल सिंह, चूरामणि वन, सुन्दर चन्द, रञ्जिता कोइराला, हेमा घर्ती, सीता शर्मा, कमला शर्मा, तीर्थाकुमारी विष्ट, तुल्सा केसी, कविता थापा, सोफिया शर्मा र सपना थापालाई नगर समिति पटियालाद्वारा सम्मानित गरिएको थियो ।
सहसचिव सीता शर्माको सञ्चालन तथा एरिया अध्यक्ष राजु वनको अध्यक्षतामा अघि बढेको सो कार्यक्रममा उपस्थित सहभागीलाई हेमा घर्तीले स्वागत गर्नुभएको थियो ।
कार्यक्रममा बालकलाकार सोफिया शर्माले रक्तिम गीतमा स्वागत नृत्य प्रस्तुत गर्नुभएको थियो ।
