खिमराज चालिसे, चन्डिगढ ।
भारतको पटियाला राजपुरामा मूल प्रवाह अखिल भारत नेपाली एकता समाजले रसुवाबाढीका प्रभावितका लागि राहत सङ्कलन गरेको छ ।
मूल प्रवाहको पटियाला नगर समितिद्वारा सञ्चालित राजपुरा एरिया समिति सेप्टेम्बर १२, २०२६ का दिन राहत सङ्कलनको तथ्याङ्क फरफारक गरेको हो ।
मन खोलेर आर्थिक सहयोग गर्नुहुने सम्पूर्ण सहयोगदातालाई एरिया समितिले एकमुष्ट धन्यवाद ज्ञापन गरेको छ ।
अभियानमा समितिमार्फत २७ हजार तीन सय ७६ रुपैया, स्थानीय स्तरबाट ४७ हजार दुई सय १७ रुपैया र सोफिया शर्माको स्कुलका साथीहरूबाट तीन हजार आठ सय गरी कुल ७८ हजार तीन सय ९३ रुपैया राहत रकम सङ्कलन भएको मूल प्रवाहले जानकारी दिएको छ ।
त्यस्तै अभियानलाई सफल बनाउन अहोरात्र खटिनुहुने एरिया समितिका अध्यक्ष राजु वन, सचिव रमेश शाही र सहसचिव सीता शर्मासहित सम्पूर्ण कार्यसमितिलाई विशेष धन्यवाद दिइएको छ ।
‘अभियानमा सक्रियतापूर्वक लाग्नुहुने रन्जिता कोइराला, हेमा घर्ती, कमला शर्मा, तीर्थाकुमारी विष्ट, चुरामणि वन, भूपाल सिंह, सुन्दर चन्द तथा सल्लाहकारहरू सपना थापा, कविता थापा र तुल्सा केसीलगायत राजपुराका सबै पदाधिकारीको सहयोग र टिमवर्कले नै यो अभियान सफल भएको हो’ समितिले भनेको छ ।
