खिमराज चालिसे, चन्डिगढ ।
नेपालको रसुवामा आएको विनाशकारी बाढीको चपेटामा परी ज्यान गुमाएकाहरूप्रति मूल प्रवाह अखिल भारत नेपाली एकता समाज अम्बाला नगर समितिले शोकसभाको आयोजना गरी श्रद्धाञ्जली अर्पण गरेको छ ।
सेप्टेम्बर ७, २०२६ का दिन शोकसभामा मैनबत्ती बालेर श्रद्धाञ्जली अर्पण गरिएको हो ।
कार्यक्रममा शोकवक्तव्य राख्ने वक्ताहरूमा मूल प्रवाहका क्षेत्रीय सदस्य लक्ष्मण अर्याल, क्षेत्रीय महिला सदस्यहरू अन्जू सुवेदी र शोभा रसाली, नगर समितिका बलबहादुर खत्री, धनबहादुर खडका, भावना केसी, सीता गौतम, देविराम शर्मा, खेमबहादुर, भीम राना र दुर्गा पन्थलगायत हुनुहुन्थ्यो ।
सभामा प्राकृतिक विपत्तिमा रहेकाको जीवनरक्षा र राहत सङ्कलन कार्यमा तत्काल लाग्नुपर्ने धारणा राखेका थिए ।
सभामा घटनामा ज्यान गुमाउनेहरूप्रति श्रद्धाञ्जली अर्पित गर्दै शोकसन्तप्त परिवारप्रति समवेदना प्रकट गरेका थिए ।
नगर अध्यक्ष कमल सुवेदीको अध्यक्षतामा अगाडि बढेको उक्त कार्यक्रमको सञ्चालन नगर सचिव प्रेम रसालीले गर्नुभएको थियो ।
