लुधियाना (भारत) । मूल प्रवाह अखिल भारत नेपाली एकता समाजका महासचिव त्रिभुवन भट्टराईले रसुवा बाढीले देशमा त्रासदी निम्त्याएका बेला नागरिकको घाउमा मल्हम लगाउनुपर्ने आवश्यकतामा जोड दिनुभएको छ ।
लुधियाना फोकलप्वाइन्टमा सेप्टेम्बर ६, २०२६ का दिन आयोजित श्रद्धाञ्जली सभामा मन्तव्य राख्दै उहाँले सो विचार व्यक्त गर्नुभएको हो ।
मन्तव्यको क्रममा उहाँले रसुवामा आएको विनाशकारी बाढीका पीडितलाई मल्हम लगाउने गरी आर्थिक अभियान सञ्चालन गरिएको बताउनुभयो ।
बाढीका मृतकप्रति श्रद्धाञ्जली, शोकसन्तप्त परिवारप्रति समवेदना, घाइतेको शीघ्र उपचारसँगै राहत, उद्धार र व्यवस्थापनमा उच्च महŒवका साथ काम गर्न उहाँले सरकारसित आग्रह गर्नुभयो ।
महासचिवव भट्टराईले पर्यावरणप्रति गरिएको लापरवाहीप्रति जनचेतना जगाउनुपर्ने तथा पर्यावरण संरक्षणप्रति गम्भीर हुनुपर्ने धारणसमेत राख्नुभयो ।
सभालाई सम्बोधन गर्ने मूल प्रवाहका नेताहरूमा बसन्ता थापा, हरि केसी, सुनिता क्षेत्री, नुमा क्षेत्री, लोकनाथ शर्मा, शोभा वर्मा, घनश्याम अधिकारी, श्यामु दर्लामी, कृष्ण बर्मालगाउत हुनुहुन्थ्यो ।
सभाको अध्यक्षता मीनाले र सञ्चालन अर्जुन कार्कीले गर्नुभएको थियो ।
कार्यक्रममा लुधियानामा १४ सेप्टेम्बरका दिन तिजी कार्यक्रम आयोजना गरिने जानकारीसमेत गराइएको थियो ।