लोकेन्द्र पौडेल, चेन्नै (भारत) ।
मूल प्रवाह अखिल भारत नेपाली एकता समाजका चेन्नै महानगरस्थित पूर्व, पश्चिम, उत्तर र दक्षिण समितिको संयुक्त आयोजनामा रसुवा भोटेकोशीमा आएको बाढीमा परी ज्यान गुमाउनुहुने सम्पूर्ण मृतकको स्मृतिमा श्रद्धात्तजली सभा सम्पन्न भएको छ ।
घाइतेको शीघ्र स्वास्थ्यलाभको कामनाका साथै शोकाकुल परिवारजनमा गहिरो समवेदना दर्शाउँदै सेप्टेम्बर ६, २०२६ का दिन मैनबत्ती जलाएर सो कार्यक्रम सम्पन्न भएको हो ।
चेन्नै पश्चिम नगर समितिका उपाध्यक्ष प्रकाश नेपालीको अध्यक्षता र दक्षिण भारत क्षेत्रीय कोषाध्यक्ष लोकेन्द्र पौडेलको सञ्चालनमा सम्पन्न उक्त कार्यक्रममा केन्द्रीय सदस्य काशीराम शर्मा, क्षेत्रीय सचिवालय सदस्य बुद्विराम पौडेल, क्षेत्रीय सदस्यहरू नेत्रलाल शर्मा, किशोर शर्मा, क्षेत्रीय सदस्य तथा सांस्कृतिक विभागका डिलबहादुर जिएम, पूर्व नगर समिति महिला विभागकी रुकमनी परियार र पश्चिम नगर महिला विभागकी भवानी खत्रीले शोकमन्तव्य राख्नुभएको थियो ।
