भालुबाङ, भदौ ११ । भालुबाङ अस्पतालको आयोजनामा गत आर्थिक वर्ष २०८२/८३ को वार्षिक समीक्षा गोष्ठी आज भालुबाङमा सम्पन्न भएको छ।
भालुबाङ अस्पतालका मेडिकल सुपरिटेन्डेन्ट तथा वरिष्ठ अर्थोपेडिक सर्जन डा. आकाश बेल्बासेको अध्यक्षतामा सम्पन्न गोष्ठीमा लुम्बिनी प्रदेश स्वास्थ्य मन्त्रालयका डा. अच्युत न्यौपाने प्रमुख अतिथि रहनुभएको थियो।
अस्पतालका वरिष्ठ चिकित्सक एमडीजीपी डा. रणबहादुर बोगटीको स्वागत मन्तव्यबाट सुरु भएको समीक्षा गोष्ठीमा लुम्बिनी प्रदेश स्वास्थ्य मन्त्रालयका वरिष्ठ शाखा अधिकृत सरोज भण्डारी, राप्ती गाउँपालिका स्वास्थ्य शाखा प्रमुख नारायण राउत, पत्रकार सन्तोषकुमार गुप्तालगायतले आ–आफ्ना धारणा राख्नुभएको थियो।
अस्पतालका नर्सिङ निरीक्षक छवि बस्नेतले सञ्चालन गर्नुभएको उक्त समीक्षा गोष्ठीमा लालमटिया स्वास्थ्य चौकीका प्रमुख कृष्णप्रसाद श्रेष्ठ, अस्पताल विकास समितिका सदस्य विष्णु सेढाईँलगायत स्थानीय जनप्रतिनिधि, गन्यमान्य तथा बुद्धिजीवी र अस्पतालसँग सरोकार राख्ने व्यक्तित्वहरूको उपस्थिति रहेको थियो।
