काठमाडौँ । अनसनरत नर्स ज्योति रानाभाटका प्रतिनिधिसँग वार्ता सुरु भएको छ ।
२०८३ साउन १८ गते सोमबार स्वास्थ्य तथा खाद्य स्वच्छता मन्त्रालयमा वार्ता सुरु भएको हो ।
वार्तामा रानाभाटको तर्फबाट जिता बराल, कल्पना रिजाल, कविता सिटौला र इन्द्रप्रसाद अर्याल सहभागी छन् ।
मन्त्रालयको तर्फबाट स्वास्थ्यसचिव डा विकास देवकोटा, अतिरिक्त सचिव डा सङ्गिता मिश्र, मन्त्रीका प्रमुख सल्लाहकार डा मनोहर प्रधान तथा कानुन शाखाका प्रतिनिधि सहभागी छन् ।
मन्त्रालय स्रोतका अनुसार वार्तामा रानाभाटले लामो समयदेखि उठाउँदै आएका मागबारे सहमतिमार्फत समाधान खोज्ने विषयमा छलफल भइरहेको बताइएको छ ।
वार्ताको नतिजाबारे औपचारिक जानकारी भने सार्वजनिक गरिएको छैन । दुवै पक्षबिच सहमति जुटाउने प्रयास जारी रहेको मन्त्रालयले जनाएको छ ।
अनसनरत नर्सहरूले न्यूनतम पारिश्रमिकको सुनिश्चितता, श्रमशोषणको अन्त्यलगायतका १५ बुँदे माग राखेका छन् ।
यसअघि सरकारले गरेका सम्झौता र बाचा पूरा नभएको भन्दै नर्सहरू थप आक्रोशित बनेका थिए ।
