काठमाडौं । ‘इनफ इज इनफ’ अभियानका अभियन्ता ईः ले २३ दिनका दिन अनशन तोडेका छन् । आइतबार बिहान उनी उपचाररत हृयाम्स अस्पतालमा स्वास्थ्य मन्त्रालय र ‘इनफ इज इनफ’का प्रतिनिधिबीच ८ बुँदे सम्झौतापत्रमा हस्ताक्षर भएपछि अनशन स्थगित भएको हो ।
कोरोना नियन्त्रणका लागि प्रभावकरी काम गर्न माग गर्दै सत्याग्रहमा बसेका ईः सरकारले पीसीआर परीक्षणको दायरा बढाउने लगायतका सहमति गरेपछि अनशन तोड्न सहमत भएका हुन् ।
अनशनको १७ औं दिनमा स्वास्थ्य बिग्रिएपछि ईः अस्पताल भर्ना भएका थिए । त्यसपछि उनले अस्पतालबाटै सत्याग्रहलाई निरन्तरता दिए ।
कोभिड–१९ को प्रभावकारी व्यवस्थापनको माग गर्दै ईः दोस्रो पटक सत्याग्रहमा बसेका हुन् । पहिलो पटक उनी र पुकार बम पाटन दरबार स्क्वायरमा अनशन बसेका थिए । सत्याग्रहको १२ औं दिन असार २२ गते सरकारसँग १२ बुँदे सम्झौता भएपछि उनीहरुले अनशन तोडेका थिए।
