काठमाडौँ । शैक्षिक वर्ष २०८२ अन्तर्गत कक्षा १२ को नतिजामा त्रुटि भएको १२ विद्यार्थी सङ्गठनले ठहर गरेका छन् ।
२०८३ असार ११ गते बिहीबार संयुक्त प्रेसवक्तव्य जारी गर्दै उनीहरूले सो ठहर गरेका हुन् ।
समयमै परीक्षाफल प्रकाशन गर्ने शिक्षा मन्त्रालयको प्रयासलाई सकारात्मक बताउँदै उनीहरूले छिटो नतिजा प्रकाशन गर्ने नाममा हुने गरेको लापरवाही र गम्भीर त्रुटिले विद्यार्थीको जीवनमाथि नै खेलवाड हुने धारणा व्यक्त उनीहरूको छ ।
मूल्याङ्कन प्रक्रियामा पारदर्शिताको अभाव, पुनर्मूल्याङ्कन वा रिटोटलिङको प्रभावकारी व्यवस्था नभएका कारण असन्तुष्ट विद्यार्थीले असार ११ गते प्रदर्शन गरेको स्पष्ट पार्दै उनीहरूले सोप्रति ऐक्यबद्धतासमेत व्यक्त गरेका छन् ।
वक्तव्यमा उनीहरूले त्रुटिको समाधान गर्न, पुनर्मूल्याङ्कनको वैज्ञानिक व्यवस्था गर्दै भविष्यमा यस्ता गल्तीको पुनरावृत्ति हुन नदिन मन्त्रालयसित माग पनि गरेका छन् ।
प्रेसवक्तव्यमा अखिल (छैठौं) का अध्यक्ष सुवास जिसी, नेपाल विद्यार्थी सङ्घकी अध्यक्ष करुणा कटुवाल, अनेरास्ववियुका अध्यक्ष दीपक धामी, अनेरास्ववियु (क्रान्तिकारी) का अध्यक्ष विजयप्रकाश शर्मा सापकोटा, अनेरास्ववियुका अध्यक्ष महेश श्रेष्ठ, अखिल (समाजवादी) का अध्यक्ष नरेन्द्र सी, अखिल (क्रान्तिकारी) का अध्यक्ष वीरेन्द्र शाह, वैज्ञानिक समाजवादी विद्यार्थी सङ्गठनका अध्यक्ष ह्याल तामाङ, अखिल (क्रान्तिकारी) का अध्यक्ष महेश श्रेष्ठ, जनपक्षीय विद्यार्थी युनियनकी अध्यक्ष सुनिता बुढाथोकी र विद्यार्थी जनमत सङ्घका अध्यक्ष पोषणकुमार यादवको हस्ताक्षर रहेको छ ।
