काठमाडौँ । राष्ट्रिय जनमोर्चा लुम्बिनी प्रदेश सांसद तारा थापाले कार्की आयोगको तीक्ष्ण आलोचना गर्नुभएको छ । हिंजो सोमबार चैत २३ गते लुम्बिनी प्रदेश संसदमा बोल्दै थापाले कार्की आयोग पक्षपातीपूर्ण रहेको बताउनुभएको छ ।

‘कार्की आयोगको पक्षपातीपुर्ण प्रतिवेदनमा रहेर सरकारको रवैया पनि पक्षपाती छ’, थापाले अगाडि भन्नुभयो– ‘भद्र २३ र २४ का हिंसात्मक घटनाहरू र सम्पत्ति ध्वंसको ठिकसँग जाँच गर्न असफल भएको छ ।’

थापाले लुम्बिनी प्रादेशिक अस्पतालको सन्दर्भमा बोल्दै आर्थिक दुरुपयोगको सन्दर्भमा विशेष चिन्ता व्यक्तल गर्नुभयो । विशेष गरी सरकारले विद्यालय र लुम्बिनी प्रादेशिक अस्पताल जस्ता पूर्वाधार परियोजनाहरूको लागि आबंटित कोष जारी नगर्नाले जनताले सास्ती खेप्नु परेको बताउनु भयो ।

‘भुक्तानी ढिलाइले ठेकेदारहरू कर्जामा पर्ने र महत्वपूर्ण सार्वजनिक काम स्थगित हुने अवस्था सिर्जना गरेको र व्यापक जनताको असन्तुष्टि झन् बढेर गएको छ’, सांसद थापाले अगाडिभ भन्नुभयो– ‘मन्त्रीहरू माथि जवाफदेहीता हुनुपर्दछ ।’

यदि कुनै जनप्रतिनिधिले आफ्‌नो बजेट प्रभावकारी रुपमा कार्यान्वयन गर्न र आफ्‌नो कर्मचारी व्यवस्थापन गर्न सक्षम छैनन् भने उनीहरूले राजीनामा दिनु पर्ने सुझाव थापाले दिनुभएको थियो ।

थापाले प्रधानमन्त्री बालेन शाह लगायत नयाँ सरकारका सम्पूर्ण मन्त्रालयलाई बधाई दिनुभएको थियो ।