काठमाडौं । विवादै विवादले घेरिएकी महान्यायाधिवक्ता सविता भण्डारी बरालले पदबाट राजीनामा दिएकी छिन् । उनलाई निवर्तमान प्रधानमन्त्री सुशीला कार्कीले नियुक्त गरेकी थिइन् ।
प्रधानमन्त्री कार्की पदमुक्त भएपछि उनले पनि पदबाट राजीनामा दिएकी हुन् । सामान्यतयाः प्रधानमन्त्रीले नियुक्त गरेको महान्यायाधिवक्ताले प्रधानमन्त्री पदमुक्त भएसँगै राजीनामा दिने अभ्यास रहन्छ ।
उनलाई प्रधानमन्त्री कार्कीले २९ भदौमा नियुक्त गरेकी थिइन् । करिब साढे ६ महिना सार्वजनिक पदमा रहेकी भण्डारी सबैभन्दा बढी विवादास्पद निर्णय गरेकी सरकारी पदाधिकारीमा पर्छिन् । महान्यायाधिवक्ता भण्डारीले उनले आफ्नो कार्यकालभर कैयौँ विवादास्पद निर्णय गरेके थिइन् ।
महान्यायाधिवक्ता भण्डारी जोडिएका कम्तिमा पाँचवटा निर्णयहरू विवादास्पद छन् ।
१. डिम्ब तस्करी प्रकरणमा मुद्दा नचलाउने निर्णय
२. रवि लामिछाने प्रकरणमा अभियोग संशोधन
३. नाबालिग बलात्कार मुद्दामा पुनरावेदन नगर्ने
४. राजस्व छली (कर चुहावट) मुद्दा नचलाउने
५. समग्र रूपमा गम्भीर मुद्दामा हस्तक्षेप र उन्मुक्ति दिने प्रवृत्ति
