तौलिहवा । कपिलवस्तु जिल्लाको विजयनगर गाउँपालिका–३ मा राष्ट्रिय जनमोर्चाको दोस्रो वडाभेला सम्पन्न भएको छ ।
राजमो कपिलवस्तुका सचिव केरसिंह अदैको प्रमुख आतिथ्यमा २०८१ माघ २८ गते सोमबार पत्थरदैयामा भेला सम्पन्न भएको हो ।
जाकिर अहमदको अध्यक्षतामा सम्पन्न उक्त भेलाले रशिद मिया अध्यक्ष रहनुभएको दुई सल्लाहकारसहित ११ सदस्यीय राजमोको वडासमिति गठन गरेको छ ।
समितिको उपाध्यक्षमा शाकिर अहमद, सचिवमा अब्दुल बहाव खा, कोषाध्यक्षमा शान्ति लोहार, सदस्यमा रामजी कोरी, राजेन्द्र पासवान, अन्तराम कोरी, बहु लोहार, पन्नासिंह कोरी तथा सल्लाहकारमा अब्दुल्ला अहमद र दुर्गासिंह ठकुरी रहनुभएको छ ।
भेलालाई सम्बोधन गर्दै प्रमुख अतिथि अदैले सङ्घीयता बिरुद्ध राजमोले चैत २४ देखि ३० गतेसम्म आयोजना गरेको काठमाडौँकेन्द्रित आन्दोलनबारे चर्चा गर्नुभएको थियो ।
सो अवसरमा राजमो विजयनगर पालिका समितिका अध्यक्ष गोविन्द परिवार, राजमो कृष्णनगर नगरपालिका समितिका अध्यक्ष सुलेमान मुसलमान र राजमो विजयनगर–२ का उपाध्यक्ष हीरालाल तेलीले पनि शुभकामना मन्तव्य राख्नुभएको थियो ।
भेलाको सञ्चालन राजमो विजयनगर–१ का अध्यक्ष ओमप्रकाश पासीले र स्वागत रामजी कोरीले गर्नुभएको थियो ।
