तौलिहवा । कपिलवस्तुको शिवराज नगरपालिका वडा नं. ३ को खरेन्द्रपुरमा राष्ट्रिय जनमोर्चाको गाउँभेला सम्पन्न भएको छ ।
राजमो कपिलवस्तुका सचिव केरसिंह अदैको प्रमुख आतिथ्यमा २०८१ भदौ १४ गते शुक्रबार उक्त भेला सम्पन्न भएको थियो ।
सो अवसरमा मन्तव्य राख्दै उहाँले व्यवस्था फेरिए पनि घुम्ने कुर्चीमा मान्छेहरू फेरिए पनि जनताको अवस्थामा कुनै परिवर्तन नआएको बताउनुभयो ।
राष्ट्रियता झन् कमजोर हुँदै गएको बताउँदै उहाँले राजमोले राष्ट्रियता, गणतन्त्र, धर्मनिरपेक्षताको रक्षा तथा सङ्घीयताको खारेजीका लागि सङ्घर्ष गर्दै आएको बताउनुभयो ।
भेलालाई जातीय समता समाज कपिलवस्तुका अध्यक्ष दिलबहादुर विक, अखिल नेपाल महिला सङ्घकी कपिलवस्तुका सहसचिव विनिता अदै, राजमो मधवा गाउँ समितिका अध्यक्ष रामप्रसाद कामी र राजमो नेता प्रेम खनालले शुभकामना दिनुभएको थियो ।
अध्यक्षमा कुर्मी
भेलाले रामदेव कुर्मी अध्यक्ष रहनुभएको सल्लाकारसहित १९ सदस्यीय समिति गठन गरेको छ ।
समितिको उपाध्यक्षमा बिनिता अदै, सचिवमा टेकराज कुँवर, सहसचिवमा महेश चौधरी र कोषाध्यक्ष हरिकला खड्का रहनुभएको छ ।
रेशमदेवी बस्नेत, प्रेमबहादुर कार्की, विमला गौतम, राधेश्याम लोनिया, मानती भर, तुलसी नेपाली, चिङ्का अहिर र तिकमाया भण्डारी
सदस्य रहनुभएको सो समितिको वैकल्पिक सदस्यमा योगमाया पुन र मानबहादुर विक रहनुभएको छ ।
भेलाले सल्लाहकारमा दरबारी थारू, चन्द्रबहादुर अदै, लक्ष्मीदेवी लोनिया र घुरहु कुर्मी रहनुभएको छ ।
राजमो वडा नं. ३ का उपाध्यक्ष रामदेव कुर्मीको अध्यक्षतामा सम्पन्न सो भेलाको सञ्चालन टेकराज कुँवरले रहनुभएको हो ।
