काठमाडौँ । राष्ट्रिय जनमोर्चाले रामेछाप पहिरोमा परी मृत्यु भएका मृतकप्रति श्रद्धाञ्जली तथा शोकसन्तप्त परिवारप्रति समवेदना व्यक्त गरेको छ ।
अध्यक्ष चित्रबहादुर केसीको हस्ताक्षरमा २०८१ भदौ १० गते सोमबार जारी प्रेसवक्तव्यमार्फत् राजमोले श्रद्धाञ्जली तथा समवेदना व्यक्त गरेको हो ।
पहिरोमा बेपत्ता भएकाको खोजीका लागि माग गर्नुका साथै मृतक परिवारलाई राहत उपलब्ध गराउन माग गरिएको राजमोको वक्तव्यको पूर्ण पाठ यस्तो छ :
“रामेछाप जिल्ला दोरम्बा, शैलुङ–३ लेकखर्कमा आएको भीषण पहिरोमा परी मृत्यु भएका मृतकहरूप्रति हाम्रो पार्टी राष्ट्रिय जनमोर्चाले हार्दिक श्रद्धाञ्जली प्रकट गर्दै शोकसन्तप्त परिवारजनप्रति समवेदना व्यक्त गर्दछ । उक्त पहिरोमा परी बेपत्ता भएकाको खोजीको लागि सरकारसँग माग गर्नुका साथै मृतक परिवारजनलाई राहत उपलब्ध गराउनसमेत अनुरोध गर्दछ ।”
रामेछापमा पहिरो : मृतकको सङ्ख्या छ पुग्यो, चार बेपत्ता
