काठमाडौँ । अखिल नेपाल शिक्षक सङ्घ काठमाडौँको भेला सम्पन्न भएको छ ।
सङ्घका केन्द्रीय सदस्य गङ्गा पौडेलको प्रमुख आतिथ्यमा २०७९ माघ ८ गते बागबजारमा सो भेला सम्पन्न भएको हो ।
भेलामा नेकपा (मसाल) का महामन्त्री मोहनविक्रम सिंह, राष्ट्रिय जनमोर्चाका नेताहरू आनन्द शर्मा र हरि आचार्य, नेकपा नेकपा (मसाल) ३ नं. ब्युरोका प्रवक्ता समीर सिंह र शिक्षक सङ्घकै केन्द्रीय नेता भोला ढकालले प्रशिक्षणात्मक मन्तव्य राख्नुभएको थियो ।
भेलाले उद्धवहरि भट्टराईलाई अध्यक्षमा चयन गर्दै जिल्ला समिति पुनर्गठन गरेको छ । समितिको उपाध्यक्षमा भरतमणि भण्डारी, सचिवमा सिर्जना खड्का र कोषाध्यक्षमा स्पर्श आचार्य रहनुभएको छ ।
त्यसैगरी सदस्यहरूमा रघुनाथ पौडेल, वसन्त कार्की, टीकाराम खनाल र गोपाल सुवेदी रहनुभएको छ ।
भेलाको अध्यक्षता उद्धवहरि भट्टराईले, सञ्चालन भरतमणि भण्डारीले र स्वागत सिर्जना खड्काले गर्नुभएको थियो ।
