तिलक थापा
बाग्लुङ । ढोरपाटन नगरपालिका वडा नंं ३ पुर्कोटमा साझा बाम उमेदवार खिम बिक्रम शाहीको जनभेटघाट तथा चुनावी सभा आज सम्पन्न भएको छ । सभालाई संबोधन गर्दै उमेदवार खिम बिक्रम शाहीले राष्ट्रियता र राष्ट्रिय अखण्डताको रक्षाका लागि गिलास चिन्हमा भोट हाल्नु पर्ने बताउदै आफु यस पिछडिएको ढोरपाटन क्षेत्रको बिकाश र समृद्धिका लागि प्रतिबद्ध रहेको बताउनु भयो ।
कार्यक्रममा नेपाल कम्युनिस्ट पार्टी (नेकपा) का जिल्ला सदस्य शेरमान घर्तीले मन्तव्य राख्नु भएको थियो । कार्यक्रममा राष्ट्रिय जनमोर्चा जिल्ला उपाध्यक्ष धर्म कुवर, सल्लाहकार गौरीश्वर पाण्डे, नेपाल कम्युनिस्ट पार्टी (नेकपा)का जिल्ला सदस्य केशर बहादुर छन्त्याल, ढोरपाटन नगर अध्यक्ष लक्ष्मण पुन, राष्ट्रिय जनमोर्चाका मिलन हमाल, नेपाल कम्युनिस्ट पार्टी (नेकपा)का बिरबहादुर घर्ती, भिम गौतम लगायतको आतित्थ्यता रहेको थियो ।
कार्यक्रम हमेन्द्र घर्तीको अध्यक्षयता, रेशम सापकोटाको सञ्चालन र गमी बुढाको स्वागत मन्तव्यमा सम्पन्न भएको थियो । प्रचार टोलीलाई स्थानीय आमा समुहले फुल मालाले स्वागत गरेका थिए ।
