बाग्लुङ । बाग्लुङ क्षेत्र नं २ (ख) मा वाम गठबन्धनका साझा उम्मेद्वार खिमविक्रम शाहीलाई जिताउन राष्ट्रिय जनमोर्चा र नेकपाले संयुक्त प्रचार प्रसार समिति बनाएका छन् । प्रचार समितिको संयोजकमा राजमो जिल्ला अध्यक्ष अमर थापा रहनुभएको छ भने सह संयोजकमा नेकपाका प्रदेश सदस्य मोहनलाल शर्मा रहनुभएको छ ।
सोमबार बुर्तिवाङमा भएको संयुक्त भेलाले दुबै पार्टीका नेता कार्यकर्ताहरु सम्मिलित २००१ सदस्यीय निर्वाचन परिचालन समिति गठन गरेको हो ।
भेलाको अध्यक्षता राष्ट्रिय जनमोर्चा बागलुङका अध्यक्ष अमर थापा, सञ्चालन नेपाल कम्युनिस्ट पार्टी (नेकपा) जिल्ला सचिव ज्ञामनाथ गैरे तथा स्वागत भाषण नेपाल कम्युनिस्ट पार्टी (नेकपा) जिल्ला सदस्य तथा ढोरपाटन नगर प्रमुख देव कुमार नेपालीले गर्नु भएको थियो ।
कार्यक्रमका प्रमुख अतिथि नेकपाका केन्द्रीय सदस्य तथा प्रदेश सचिव गोविन्द नेपाली, बिशिष्ट अतिथि राष्ट्रिय जनमोर्चा केन्द्रीय सदस्य तथा जिल्ला समन्वय समिति बागलुङका प्रमुख राजेन्द्र ढुङगाना, नेकपा केन्द्रीय सदस्य तथा जिल्ला ईन्चार्ज बलावती शर्मा, नेकपा केन्द्रीय सदस्य तथा जिल्ला सह ईन्चार्ज मन कुमारी केसीले सम्बोधन गर्नुभएको थियो।
यस्तै उम्मेदवार खिम बिक्रम शाही, नेकपा जिल्ला अध्यक्ष इन्द्रलाल सापकोटा, नेकपाकै प्रदेश सदस्य मोहनलाल शर्मा, प्रेम घर्ती, राष्ट्रिय जनमोर्चा बागलुङका उपाध्यक्ष धर्म बहादुर कुँवर, नेकपा जिल्ला सदस्य शेरमान घर्ती, सुनमाया घर्ती लगायतले मन्तव्य राख्नु भएको थियो ।
भेलाले वडा भेटघाट तथा उम्मेदवार परिचय कार्यक्रमको तालिका तय गरेको छ ।
