काठमाडौं । राष्ट्रिय जनमोर्चाले नेकपासित भएको चुनावी तालमेलको समझदारी इमान्दारीपूर्वक कार्यान्वयन हुने विश्वास गरेको छ । सहमति पालना गर्न आफ्नो पार्टी इमान्दार रहेको भन्दै अर्को पक्षले पनि इमान्दारीपूर्वक सहमति पालना गर्ने अपेक्षा गरिएको राजमोले जनाएको छ ।

आगामी मंसिर १४ गते हुने उपनिर्वाचनका लागि राजमो र नेकपाबीच चुनावी तालमेलको सहमति भएको छ । सो सहमति दुबै पक्षले पालना गरे गठबन्धनका उम्मेद्वारहरुको विजय निश्चित रहेको राजमोको विश्वास छ ।

राजमो उपाध्यक्ष, एवं प्रवक्ता दुर्गा पौडेलले सोमबार वक्तव्य प्रकासित गरी नेकपालाई तालमेलको आचारसंहिता पालनाका लागि आग्रह गर्नुभएको हो । उपनिर्वाचनका क्रममा बाग्लुङ प्रदेशसभा २ (ख) र प्युठानको ऐरावती गाउँपालिका वडा नं २ को वडाअध्यक्षमा राजमोले उम्मेद्वार उठाउने र बाँकी ठाउँमा नेकपाले उठाउने सहमति भएको हो ।