पाल्पा । भारतले हालै जारी गरेको नयाँ जाली नक्सा खारेजीको माग गर्दै पाल्पामा भारतीय प्रधानमन्त्री नरेन्द्र मोदीको पुत्ला जलाईएको छ ।

आइतबार राष्ट्रिय जनमोर्चा, अखिल (छैठौं) र अखिल नेपाल युवक संघ पाल्पाको आयोजनामा तानसेनमा मोदीको पुत्ला जलाईएको हो । पुत्ला जलाउदा प्रहरीद्वारा हस्तक्षेप गरएिको छ ।

पुत्ला जलाएसँगै सहभागीहरुले ‘भारतीय साम्राज्यवाद मुर्दावाद, लिपुलेक हाम्रो हो, भारतीय सेना कालापानी छोड्’ लगायतका नारा लगाउनुभएको थियो ।

कार्यक्रममा राजमो पाल्पाका अध्यक्ष विशाल दर्लामी र अखिल (छैठौं) का केन्द्रीय सदस्य पुरन पोख्रेलले सम्बोधन गर्नु भएको थियो ।