पोखरा। भारतले कालापानी लगायतका नेपाली भूभाग समेटेर बनाएको नक्सा तथा अतिक्रमण विरुद्ध राष्ट्रिय जनमोर्चा र देशभक्त जनगातान्त्रीक मोर्चा कास्कीको सयुक्त आयोजनामा आइतबार “सम्पूर्ण देश भक्त शक्तिहरु एक हौं” लिम्पीया धुरा, लिपुलेक,कालापानी हाम्रै हो भारतीय सेना कालापानी छोड, ‘गो ब्याक ईण्डिया’ लगायत नारासहित सभा सम्पन्न गरेको छ ।

कास्कीबाट अखिल (छैठौं)का केन्द्रीय उपाध्यक्ष गणेश अधिकारीले दिनुएको जानकारी अनुसार पोखराको पृथवीचोकमाविरोध प्रदर्शन तथा कोणसभा गरिएको छ ।

कार्यक्रमलाई राष्ट्रिय जनमोर्चा गण्डकी प्रदेशका अध्यक्ष शकर बराल,अखिल (छैठौं)का केन्द्रीय उपाध्यक्ष गणेश अधिकारी,देशभक्त जनगातान्त्रीक मोर्चाका प्रतिनीधि नारायण अधिकारी र करण मगरले सम्बोधन गर्दै वर्षौंदेखि भारतले नेपालको लिपुलेक, कालापानी, लिम्पियाधुरा लगायतका ठाउँमा अतिक्रमण गर्दै आएकोमा अब नक्सामै ति क्षेत्र समेटेर अतिक्रमणलाई वैधानिकता दिएकोमा नेताहरुले आपत्ती जनाउनुभएको छ ।

कार्यक्रमको सञ्चालन राष्ट्रिय जनमोर्चाका जिल्ला सचिव आकाश गौतमले गर्नु भएको थियो ।