कृष्ण केसी, भरतपुर ।
सङ्घीयताको विरुद्धमा राष्ट्रिय जनमोर्चा चितवनले मोटरसाइकिल ऱ्याली सम्पन्न गरेको छ ।
राजमो केन्द्रीय समितिद्वरा आयोजित चैत २४–३० गतेसम्मको सङ्घीयता विरोधी काठमाडौँकेन्द्रितको प्रचारप्रसारस्वरूप सो कार्यक्रम सम्पन्न भएको हो ।
राजमो केन्द्रीय सदस्य डम्मर पुरीले २०८१ माघ २६ गते शनिबार राजमो चितवनको कार्यालयअघि ऱ्यालीको उद्घाटन गर्नुभएको थियो ।
कार्यक्रमको सञ्चालन नेकपा (मसाल) चितवनका प्रवक्ता भविश्वर शर्माले तथा अध्यक्षता राजमो चितवनका अध्यक्ष अमर क्षेत्रीले गर्नुभएको थियो ।
उद्घाटनपछि आगाडी बढेको ऱ्याली नारयणगढको सहिद चोकनेर पुगी कोणसभामा परिणत भएको थियो । कार्यक्रमलाई राजमो केन्द्रीय समिति सदस्य राजेन्द्र ढुङ्गानाले सम्बोधन गर्नुभएको थियो ।
ऱ्याली अगाडि बढ्दै जाँदा जुलुस धर्मचोकनेर कोणसभा सम्पन्न भएको थियो । कोणसभामा राजमो चितवनका जितबहादुर थापाले सम्बोधन गर्नुभएको थियो ।
त्यस्तै, बसपार्कनेर पुगेर सम्पन्न भएको कोणसभालाई नेकपा (मसाल) चितवनका प्रवक्ता भविश्वर शर्माले सम्बोधन गर्नुभएको थियो ।
ऱ्याली ११ नम्बर पदमपुर हुँदै कालिकानगर पालिका क्लबचोकमा गएर पुनः कोणसभा सम्पन्न गरिएको थियो । सभालाई अखिल नेपाल ट्रेड युनियन महासङ्घ (अन्टुक) का महासचिव शालिकराम सापकोटाले सम्बोधन गर्नुभएको थियो ।
त्यसपछि अगाडि बढेको जुलुस खोलेसिमल बजारमा गएर विशाल सभामा परिणत भएको थियो । सभालाई राजमो कालिकानगर पालिका समितिका नेता वीरेन्द्र थापाले सम्बोधन गर्नु भयको थियो ।
ऱ्याली रत्ननगर नगरपालिकाको बेस्टबजार बकुलरचोकमा गएर कोणसभामा परिणत भएको थियो । सभालाई राजमो केन्द्रीय सदस्य राजेन्द्र ढुङ्गानाले सम्बोधन गर्नुभएको थियो ।
ऱ्यालीको अन्तिम कोणसभा टाँडीचोकनेर सम्पन्न भएको थियो । सभालाई केन्द्रीय सदस्य डम्मर पुरीले सम्बोधन गर्नुभएको थियो ।
