शिव पन्थी, खलङ्गा ।
प्युठान जिल्ला स्वर्गद्वारी नगरपालिका वडा नं. २ मा अखिल नेपाल जनजाति सम्मेलनको वडा समिति गठन भएको छ ।
केन्द्रीय सचिव उषा पुनमगरको आतिथ्यमा सम्पन्न भेलाले सो समिति गठन गरेको हो ।
भेलामा जनजाति सम्मेलनका लुम्बिनी प्रदेश समितिका सदस्य मिनराज रानामगर, स्वर्गद्वारी नगर समितिका अध्यक्ष चित्रमान पुनमगर, वडाअध्यक्ष बुद्धिराम पुन, अखिल नेपाल महिला सङ्घ स्वर्गद्वारी नगर समितिकी उपाध्यक्ष शोभा रानामगरलगायतको आतिथ्य रहेको थियो ।
निमबहादुर पुनमगरको अध्यक्षता तथा भूपेन्द्र पुनमगरको सञ्चालनमा अगाडि बढेको उक्त भेलालाई होमलाल रोकामगरले स्वागत गर्नुभएको थियो ।
भेलाले भूपेन्द्र पुनमगर अध्यक्ष रहनुभएको ११ सदस्यीय वडासमिति गठन गरेको छ ।
समितिको उपाध्यक्षमा रेगमति रानामगर, सचिवमा होमलाल रोकामगर, सहसचिवमा चेतन रोकामगर र कोषाध्यक्षमा बालिका पुनमगर रहनुभएको छ ।
त्यस्तै, सदस्य मलिम घर्तीमगर, जशबहादुर घर्तीमगर, इमानसिंह पुनमगर, खलबहादुर रोकामगर, सिर्जना बुढामगर र पिमा पुनमगर रहनुभएको छ ।
