बुटवल । अखिल नेपाल महिला सङ्घको तीनदिने प्रशिक्षण कार्यक्रम सुरु भएको छ ।
केन्द्रीय समितिको आयोजनामा २०८१ साउन ३१ गतेसम्म चल्ने प्रशिक्षण साउन २९ गते मङ्गलबारदेखि बुटवलमा सुरु भएको हो ।
प्रशिक्षण कार्यक्रमको उद्घाटन राष्ट्रिय जनमोर्चा उपाध्यक्ष तथा प्रवक्ता दुर्गा पौडेलले गर्नुभएको थियो ।
सो अवसरमा उहाँले महिला आन्दोलनका साथै समसामयिक विषयमा मन्तव्य राख्नुभएको थियो ।
अध्यक्ष मीना पुको अध्यक्षता तथा उपाध्यक्ष लक्ष्मी बास्कोटाको सञ्चालन अघि बढेको प्रशिक्षणको उद्घाटन शत्रमा उपस्थित सहभागीलाई महासचिव शकुन्तला रानाले स्वागत गर्नुभएको थियो ।
कार्यक्रमलाई राजमो लुम्बिनी प्रदेश समितिका सल्लाहकार सुरेश थापा, अखिल नेपाल बुद्धिजीवी सङ्घका सचिवालय सदस्य तथा प्रशिक्षक दुर्गानाथ खरेल, तराई मधेस जनवादी मोर्चाका अध्यक्ष बद्रे आलम, अखिल नेपाल किसान महासङ्घ (अप्फा) का उपाध्यक्ष चन्द्रबहादुर केसी, रक्तिम सांस्कृतिक अभियानका अध्यक्ष गिरीप्रसाद बुढा र अखिल नेपाल जनजाति सम्मेलनकी सचिव उषा पुनले शुभकामना दिनुभएको थियो ।
उद्घाटन शत्रको समापनलगत्तै प्रशिक्षण सुरु भएको आयोजकले जानकारी दिएको छ ।
यस अवधिमा दर्शन, धर्म, विश्वदृष्टिकोण, महिला आन्दोलन र त्यसका उपलब्धि, महिला सङ्घ स्थापनाको इतिहास, सङ्घीयता, राष्ट्रिय र अन्तर्राष्ट्रिय कानुनमा महिला अधिकार, सङ्गठन परिचालन र महिलाको सहभागिता, निर्वाचनलगायतका विषयमा प्रशिक्षण दिइने बताइएको छ ।
