काठमाडौं । गत असार २८ गते नारायणघा–मुग्लिन सडकखण्ड अन्तर्गत सिमलतालमा दुईवटा बस त्रिशूलीमा खसेर भएको दुर्घटनामा बाँच्न सफल तीन जना अस्पतालबाट डिस्चार्ज भएका छन् ।
काठमाडौंबाट गौर जाँदै गरेको प्र३००१ख २४९५ नम्बरको गणपति डिलक्स र वीरगञ्जबाट काठमाडौं आउँदै गरेको बाप्र०३००६ख नम्बरको एन्जल डिलक्स त्रिशुलीमा खसेर हराइरहेका छन् ।
ती बसमध्ये गणपति डिलक्समा रहेका तीनजना यात्रु पौडिएर बाहिर निस्कन सफल भएका थिए ।
रौतहटको देवाही बनाही नगरपालिका १० का नन्दन दास रौतहटकै गरुडा नगरपालिका ९ का जुगेश्वर राय यादव र सरोजकुमार गुप्ता उपचारपछि आज घर फर्केका उद्धारमा खटिएको सशस्त्र प्रहरीले जनाएको छ।
१९ जनाको शव फेला
सशस्त्रले बुधबार साँझ ८ बजे प्रकाशित गरेको बुलेटिन अनुसार दुर्घटनाका हराइरहेकामध्ये १९ जनाको शव फेला परेको छ।
भेटिएका १९ शवमध्ये १४ वटाको सनाखत भएको छ भने ५ वटा शव पहिचान हुन बाँकी छ।
सनाखत हुन बाँकी ५ जनामा सबै पुरुषका शव हुन्।
सिमलताल दुर्घटनामा दुवै बसका गरी ६२ यात्रु त्रिशूलीमा बेपत्ता भएका थिए। दुईवटै बस सुरक्षाकर्मीले अझै पत्ता लगाउन सकेका छैनन्।
शुक्रबार भएको सो घटनापछि सोमबार (असार ३१ गते) मात्रै दुर्घटनाका ६५ जना यात्रु परेको विवरण सार्वजनिक भएको थियो।
जिल्ला प्रशासन कार्यालय चितवनका अनुसार वीरगञ्जबाट काठमाडौं आउँदै गरेको बाप्र०३००६ख नम्बरको एन्जल डिलक्समा २७ जना यात्रु रहे थिए भने काठमाडौंबाट गौर जाँदै गरेको प्र३००१ख २४९५ नम्बरको गणपति डिलक्समा ४१ यात्रु रहेको खुलेको छ।
गणपति बसका तीनजना यात्रु हामफलेर बाँच्न सफल भएका हुन्।
हराएका बस तथा बेपत्ता यात्रुहरूको सुरक्षाकर्मीले खोजी जारी राखेका छन्।
यी हुन् मृतक
