पोखरा । अखिल नेपाल जनजाति सम्मेलन गण्डकी प्रदेश समितिको प्रक्षिणण भेला आगामी २०८१ भदौ २८–२९ गते कास्कीको पोखरामा हुने भएको छ ।

केन्द्रीय अध्यक्ष निमबहादुर बुढाथोकीको अध्यक्षतामा असार २९ गते पोखरामा सम्पन्न सम्मेलनको प्रदेश समिति बैठकले सो निर्णय गरेको हो ।

प्रशिक्षण भेलामा राजनैतिक, सैद्धान्तिक विषयका साथै देशको समसामयिक अवस्था, आदिवासी जनजाति अधिकार र आन्दोलनलगायतका विषयमा प्रशिक्षण दिइने आयोजकले बताएको छ ।

त्यस्तै, प्रदेश समितिको बैठकले गुरुङ, मगर र थारू भाषालाई सरकारी कामकाजको भाषा बनाउन माग गर्ने निर्णय गरेको बताइएको छ । त्यस सम्बन्धमा जनजाति सम्मेलनले प्रदेशका मुख्यमन्त्रीसमक्ष ज्ञापनपत्र बुझाउने निर्णय भएको पनि जानकारी दिइएको छ ।