काठमाडौं । राष्ट्रपति विद्यादेवी भण्डारीले सातै प्रदेशका प्रमुख (गभर्नर) नियुक्ति गरेकी छिन्। मन्त्रिपरिषद्को सिफारिस अनुसार प्रदेश प्रमुख नियुक्त गरेको राष्ट्रपति कार्यालयले जनाएको छ ।

प्रदेश प्रमुखहरुमा सोमनाथ अधिकारी प्यासी प्रदेश १, तिलक परियार प्रदेश २, विष्णु प्रसाईं प्रदेश ३, गण्डकी प्रदेशमा अमिक शेरचन, प्रदेश ५ मा धर्मनाथ यादव, कर्णालीमा गोविन्द कलौनी र प्रदेश ७ मा शर्मिला त्रिपाठीलाइ नियुक्त गरिएको राष्ट्रपति कार्यालयद्वारा सोमबार साँझ जारी विज्ञप्तिमा उल्लेख छ ।

सोमबार बसेको मन्त्रिपरिषदको बैठकले सातै प्रदेशका लागि प्रदेश प्रमुख सिफारिस गरेको थियो । सत्तारुढ दल नेपाल कम्युनिस्ट पार्टी (नेकपा)को सचिवालय बैठकले सिफारिस गरेका सात जनालाई नै सरकारले अनुमेदन गरेको हो ।