काठमाडौँ । मङ्सिर २८ गते सम्पन्न पत्रकार महासङ्घको सत्ताइसौँ निर्वाचनमा बाँकेको उपाध्यक्षमा तिलक गाउँले र कपिलवस्तुबाट मोहन बेलबासे निर्वाचित हुनुभएको छ ।
गाउँले र बेलबासे दुवै प्रगतिशील पत्रकार सङ्घका केन्द्रीय सदस्य हुनुहुन्छ । बेलबासे कपिलवस्तुको जिल्ला कोषाध्यक्षमा पुनः निर्वाचित हुनुभएको हो ।
यता, कास्कीबाट कविता घर्तीमगर १०४ मतका साथ जिल्ला सदस्यमा निर्वाचित हुनुभएको छ । यहाँ प्रगतिशीलले पहिलोपटक खाता खोलेको सचिव ताराप्रसाद शर्माले जानकारी दिनुभयो ।
त्यस्तै, कपिलवस्तुबाट शीतल आचार्य केन्द्रीय पार्षदमा निर्विरोध निर्वाचित हुनुभएको छ । त्यहाँ प्रगतिशीलको तर्फबाट एक जना सदस्य नियुक्त गर्ने सहमति भइसकेको जानकारी प्राप्त भएको छ ।
प्युठानमा प्रगतिशीलका केन्द्रीय सदस्य जुमानसिंह केसी जिल्ला सदस्यमा चयन भइसक्नुभएको छ ।
त्यस्तै, बागलुङमा केन्द्रीय सदस्य प्रकाश छन्त्याल जिल्ला सदस्यमा निर्विरोध निर्वाचित भइसक्नुभएको छ ।
बाँकेमा विनोद पौडेल केन्द्रीय पार्षदमा निर्वाचित हुनुभएको छ । उहाँ प्रगतिशीलको केन्द्रीय उपाध्यक्ष हुनुहुन्छ ।
यता, बाँकेबाट कुलदीप न्यौपाने लुम्बिनी प्रदेश पार्षदमा निर्विरोध निर्वाचित भइसक्नुभएको छ ।
काठमाडौँ उपत्यसहित विभिन्न प्रदेशमा मतगणना जारी छ । केन्द्रीय समितिको लेखा सदस्यमा प्रगतिशीलकी केन्द्रीय सदस्य लक्ष्मी चौधरी, उपत्यका प्रदेश सदस्यमा घनश्याम अधिकारी (वैरागी जेठा), काठमाठौँमा गोविन्द शर्मा र चेतनारायण बेलबासे (लक्ष्मण) को अन्तिम परिणाम आइसकेको छैन ।
