शङ्करप्रसाद पोख्रेल, बुटवल ।
अखिल नेपाल किसान महासङ्घ (अप्फा) रुपन्देहीले एकदिने प्रशिक्षण कार्यक्रम सम्पन्न गरेको छ ।
महासचिव तुलसी सापकोटाको प्रमुख आतिथ्यमा २०८१ मङ्सिर २५ गते मङ्गलबार उक्त कार्यक्रम सम्पन्न भएको हो ।
राष्ट्रिय जनमोर्चाको प्रदेश कार्यालय चाँदमारीमा सम्पन्न उक्त कार्यक्रमको उद्घाटन महासचिव सापकोटाले गर्नुभएको थियो ।
कार्यक्रममा विश्वदृष्टिकोणबारे अखिल नेपाल बुद्धिजीवी सङ्घका सचिवालय सदस्य दुर्गानाथ खरेलले, किसानको वर्तमान अवस्थाबारे बुद्धिजीवी लीलबहादुर केसीले, समसामयिक राजनीतिबारे तराई मधेस जनवादी मोर्चाका अध्यक्ष बद्रे आलमले, अनुशासन र सङ्गठनबारे वामपन्थी नेता चेतनाथ आचार्यले तथा विविध विषयमा नेकपा (मसाल) रुपन्देहीका प्रवक्ता लालचन्द पन्त र राजमो रुपन्देहीका अध्यक्ष टानबहादुर केसीले प्रशिक्षण दिनुभएको थियो ।
सो अवसरमा अप्फाका उपाध्यक्ष चन्द्रबहादुर केसी, केन्द्रीय सदस्य रुकबहादुर पराजुलीलगायतका नेताहरूको आतिथ्य रहेको थियो ।
अप्फाका नेता गणेश गौतमको अध्यक्षता तथा जायश्वर रेग्मीको सञ्चालनमा अघि बढेको सो कार्यक्रममा उपस्थिति सहभागीलाई शिवलाल घिमिरेले स्वागत गर्नुभएको थियो ।
