जगत्प्रसाद रेग्मी, काठमाडौँ ।
राष्ट्रिय जनमोर्चा कर्णाली–काठमाडौँ सम्पर्क समिति गठन भएको छ । समितिको अध्यक्षमा भक्तबहादुर विक चयन हुनुभएको छ ।
राजमो नेता निमबहादुर बुढाको प्रमुख आतिथ्य तथा नेकपा (मसाल) का प्रवक्ता रामप्रकाश पुरीको विशेष आतिथ्यमा २०७९ असार १८ गते बागबजार काठमाडौँमा सम्पन्न भेलाले सो सम्पर्क समिति गठन गरेको हो ।
११ पूर्ण र दुई सदस्यीय सम्पर्क समितिको सचिव, कोषाध्यक्ष र सदस्यहरू क्रमशः अस्मिता राना (सुर्खेत), समष्टि बुढा (रुकुम पश्चिम), ममता श्रेष्ठ (पश्चिम रुकुम), राजेन्द्र केसी (दैलेख), विष्णु वली (पश्चिम रुकुम), अरुणिता ओली (पश्चिम रुकुम), साहसमान श्रेष्ठ (रुकुम पश्चिम) र कृष्णप्रसाद शर्मा (सुर्खेत) रहनुभएको छ ।
त्यस्तै, समितिको सल्लाहकारमा पूर्णकला विक (दैलेख) र बिस्ना रेग्मी (दैलेख) रहनुभएको छ ।
भेलालाई प्रमुख अतिथि निमबहादुर बुढाथोकी र विशेष अतिथि रामप्रकाश पुरीले प्रशिक्षण दिनुभएको थियो । कार्यक्रममा नेकपा (मसाल) काठमाडौँका प्रवक्ता जगत्प्रसाद रेग्मीको पनि उपस्थिति रहेको थियो ।
भेलाले कर्णालीका दसओटै जिल्लाको सम्पर्क गर्नका लागि सबै जिल्लाको जिम्मेवारी तोकिएको प्राप्त समाचारमा उल्लेख छ ।