नवीन बस्याल
जागौ नेपाली हो लिपुलेक हाम्रै हो
जुटौँ नेपाली हो लिम्पियाधुरा हाम्रै हो
ब्यूँझ नेपाली हो कालापानी हाम्रै हो
गर्ज नेपाली हो काली सुस्ता हाम्रै हो
जाग नेपाली हो भारतबाट मिचिएका
६०६८५ हेक्टर जमिन हाम्रै हो
एक लाख बिघा मिचिएको
जग्गा हाम्रै हो
कालापानी हाम्रै हो
सुस्ता हाम्रै हो
लिपुलेक हाम्रै हो
जितगडी किल्ला हाम्रै हो
जागौँ नेपाली देश बचाऔँ
नेपाल अनी नेपाल देश हाम्रै हो
हिजो बेचिएको गण्डकी हाम्रै हो
कब्जा गरिएको कोशी सुस्ता हाम्रै हो
सन्धी सम्झौता गरिएका महाकाली हाम्रै हो
सबै गर्ज नेपाली भूमी हाम्रै हो
महाकालीले गुहार माग्दैछ उठ नेपाली हो
सप्तकोशीले आँशु बगाउँदै छ जुट नेपाली हो
गण्डकी अल्मली रहेको छ, अंगालो मार नेपाली हो
कोशी छट्पटाई रहेको छ फिर्ता ल्याउ नेपाली हो
जुर्मुराउ नेपाली हो नेपाल देश हाम्रै हो
७१ स्थानबाट मिचिएका सिमा हाम्रै हो
कब्जा गरिएका ६०६८५ हेक्टर जग्गा हाम्रै हो
धेरै सिमास्तम्भ हराए हाम्रो देशको
धेरै सिमास्तम्भ सारिए हाम्रो देशको
धेरै नेपाली मारिए हाम्रो देशको
धेरै घाइते अपांग भए हाम्रो देशको
अब उठ नेपाली स्वभिमान बचाउन
गर्ज नेपाली हो नेपाल देश हाम्रै हो
देश हडप्न संघीयतामा लादि दियौ
विभाजन गराई दिए लडाईं पारी दियौ
भाषा भाषिलाई आपसमै भिडाई दियौ
तराई पहाड बनाई काटा मारी बनायौ
आफ्ना देशका मान्छे हरुलाई
नागरिकता बनाउन सरकार नै बदली दियौ
मान्छे लडाउन भाषा पठाई दियौ
अब सहँदैनन् नेपाली तिम्रा जाली चाल
अब चुप लाग्दैनन् नेपाली मनमा कुरा राख
अब रोकिँदैनन् पाईला खिआउँछन झन् झन्
जन्जि तोडेर सडकमा ओर्लिन्छन्
अनि देश बचाउँछन्
खोसेर सिमाना गाड्छन्
काँडे तारले देशमा बार लगाउँछन्
गर्ज नेपाली लिपुलेक हाम्रै हो
जागौँ नेपाली हो लिपुलेक हाम्रै हो
जुटौँ नेपाली हो लिम्पियाधुरा हाम्रै हो
ब्यूँझ नेपाली हो कालापानी हाम्रै हो
गर्ज नेपाली हो काली सुस्ता हाम्रै हो
नवीन बस्याल (प्यूठान , हाल जापान )
